ٹانک؛ گھر پر کواڈکاپٹر حملہ،خاتون سمیت تین بچے زخمی،ذرائع

ضلع ٹانک میں تھانہ ملازئی کی حدود اور ایف سی قلعہ کے قریب واقع شفیق شاہ نامی شخص کےگھر پر مبینہ کواڈ کاپٹر حملے کے نتیجے میں ایک خاتون سمیت تین بچے زخمی ہوگئے۔
زخمیوں کو فوری طور پر طبی امداد کے لیے قریبی مقامی ہسپتال منتقل کر دیا گیا۔
سیکورٹی ذرائع کا کہنا ہے کہ زخمی ہونے والوں میں ایک خاتون اور تین بچے شامل ہیں، تاہم تمام زخمیوں کی حالت خطرے سے باہر بتائی جا رہی ہے۔
واقعے کی اطلاع ملنے پر پولیس اور متعلقہ اداروں کے اہلکار موقع پر پہنچ گئے اور شواہد اکٹھے کرنے کے بعد تحقیقات کا آغاز کر دیا گیا۔
پولیس ذرائع کے مطابق حملے کی نوعیت، مقاصد اور ذمہ دار عناصر کے تعین کے لیے مختلف پہلوں سے تفتیش جاری ہے، جبکہ واقعے سے متعلق مزید معلومات حاصل کی جا رہی ہیں۔
حکام کا کہنا ہے کہ تحقیقات مکمل ہونے کے بعد ہی واقعے کی وجوہات اور حقائق کے بارے میں حتمی موقف سامنے لایا جائے گا۔

یاد رہے کہ گذشتہ روز بھی تھانہ صدر کی حدود میں مبینہ طور پر کواڈکاپٹر حملے میں سیدگی خوڑ میں موٹرسائیکل پر سوار نوجوان جاں بحق ہوا