کرم: گھر پر مارٹر گولہ گرنے سے 5افراد شدید زخمی ، ایک کی حالت تشویشناک

ضلع کرم کی تحصیل لوئر کرم سرہ غواڑگہ گاوں میں گھر پر مارٹر گولہ گرنے کا واقعہ رونما ہوا ہے، اس حوالے سے پولیس ذرائع کا کہنا ہے کہ مارٹر گولہ بادشاہ آیاز نامی شخص کے گھر پر گرا۔
پولیس زرائع کے مطابق نامعلوم سمت سے فائر کیا گیا گھر پر مارٹر گولہ گرنے سے اس وقت گھر پر موجود 05 آفراد شدید زخمی ہوگئے، جن میں بادشاہ ایاز ، اس کی والدہ ، زوجہ اور دو بچے شامل ہیں۔
ریسکیو زرائع کی جانب سے بتایا گیا ہے کہ زخمیوں میں بادشاہ آیاز کی حالت تشویشناک بتائی جا رہی ہے ، جنہیں تشویشناک حالت میں پشاور منتقل کردیا گیا ۔