لکی مروت میں پولیس چیک پوسٹ پر کواڈ کاپٹر حملہ، 3اہلکار زخمی

لکی مروت کے علاقے تھانہ درہ پیزو کی حدود میں قائم وانڈا بنوچی چیک پوسٹ پر کواڈ کاپٹر حملہ کیا گیا، جس کے نتیجے میں ٰپولیس اہلکار زخمی ہونے کی اطلاع ہے۔
پولیس ذرائع کے مطابق حملے کے بعد زخمی اہلکاروں کو طبی امداد کے لیے منتقل کر دیا گیا ہے۔
زخمی ہونے والوں میں پی ایس آئی آصف جبکہ کانسٹیبل فہیم اور کانسٹیبل عدنان شامل ہیں۔
واقعے کے بعد سکیورٹی فورسز اور پولیس نے علاقے میں کارروائیاں شروع کر دی ہیں جبکہ حملے کی نوعیت اور ذمہ داروں کے تعین کے لیے تحقیقات جاری ہیں۔