خیبرپختونخوا میں رواں سال 476 دہشت گردی واقعات میں 121 شہری شہید جبکہ 301زخمی ہو چکے ہیں، اس حوالے سے جاری پولیس رپورٹ میں بتایا گیا ہے کہ شمالی وزیرستان، بنوں، لکی مروت اور ڈی آئی خان دہشت گردی سے سب سے زیادہ متاثرہ اضلاع رہے۔
پولیس ذرائع کے مطابق شمالی وزیرستان میں 77، بنوں میں 74، لکی مروت میں 48 اور ڈی آئی خان میں 44 دہشت گردی کے واقعات پیش آئے، جن میں قانون نافذ کرنے والے ادارے بھی نشانہ بنے، خیبرپختونخوا میں رواں سال 476 دہشت گردی واقعات میں 121 شہری شہید ہوئے۔
دہشتگردی کے ان واقعات میں صرف پولیس کے 66 اہلکار شہید اور 90 زخمی ہوئے، جبکہ ایف سی کے 48 اہلکار شہید اور 109 زخمی، فورسز کے دیگر 55 اہلکار بھی شہید جبکہ 112 زخمی ہو چکے ہیں، حاصہ داروں میں بھی 10 شہادتیں اور 8 زخمیوں کی اطلاع دی گئی ہے۔
آئی جی خیبر پختونخوا ذوالفقار حمید کے مطابق جنوبی اضلاع میں دہشت گردی سے نمٹنے کے لیے پولیس کو جدید اسلحہ فراہم کیا جا رہا ہے، اور تھانوں و چوکیوں کو مضبوط بنانے کا عمل تیز کر دیا گیا ہے۔ انہوں نے امید ظاہر کی کہ آئندہ دنوں میں اس کے نتائج واضح طور پر نظر آئیں گے۔
خیبرپختونخوا میں رواں سال 476 دہشت گردی واقعات میں 121 شہری شہید، 301زخمی
کوئی تبصرہ نہیں ہے۔
