ضلع کرم میں فائرنگ، 2 افرادجاں بحق

ضلع کرم کے علاقے مسعود آباد میں نامعلوم افراد کی فائرنگ کے نتیجے میں دو افراد جاں بحق ہوگئے، پولیس نے واقعے کی تحقیقات شروع کر دی ہیں۔
پولیس ذرائع کے مطابق فائرنگ کے واقعے میں جاں بحق ہونے والوں کی شناخت عبدالمالک ولد گل عمر اور اکرام ولد پیام خان کے ناموں سے ہوئی ہے۔
واقعے کے بعد علاقے میں خوف و ہراس پھیل گیا، جبکہ جاں بحق افراد کی لاشوں کو ضروری قانونی کارروائی کے لیے ہسپتال منتقل کر دیا گیا۔
پولیس حکام کے مطابق واقعے کی اطلاع ملتے ہی اہلکار موقع پر پہنچ گئے اور شواہد اکٹھے کرنے کے بعد تحقیقات کا آغاز کر دیا گیا ہے۔
پولیس کا کہنا ہے کہ ملزمان کی تلاش جاری ہے، جبکہ فائرنگ کے محرکات تاحال معلوم نہیں ہو سکے۔ واقعے کے مختلف پہلوں کا جائزہ لیا جا رہا ہے۔
حکام کے مطابق تحقیقات مکمل ہونے کے بعد مزید تفصیلات سامنے آنے کی توقع ہے۔