جنوبی وزیرستان : وانا سے تحصیل توئی خلہ جانے والی پولیس گاڑی پر نامعلوم افراد نے فائرنگ کردی، جس کے نتیجے میں ڈی ایس پی رخمین شدید زخمی ہوگئے۔ پولیس حکام کے مطابق زخمی ڈی ایس پی کو فوری طور پر ہسپتال منتقل کردیا گیا ہے۔
فائرنگ کے بعد ایک پولیس اہلکار لاپتہ ہوگیا تھا تاہم پولیس کی جانب سے شروع کیے گئے سرچ آپریشن کے نتیجے میں لاپتہ اہلکار بعدازاں تھانہ توئی خلہ صحیح سلامت پہنچ گیا۔
پولیس نے واقعے کے بعد علاقے میں سرچ آپریشن شروع کردیا ہے جبکہ حملہ آوروں کی تلاش جاری ہے۔
