جنوبی وزیرستان:جنوبی وزیرستان لوئر کی تحصیل برمل کے علاقے زیڑہ لیٹہ، انگور اڈہ میں نامعلوم افراد نے پتھر مار تشدد کر کے 53 سالہ خاتون کو قتل کر دیا ہے۔
علاقائی ذرائع کے مطابق 9 اگست کو سامنے آنے والی اطلاعات کے مطابق مقتولہ زابت خان عرف زابیتی وزیر کی اہلیہ تھیں، جو دو دن قبل بھیڑ بکریاں چرانے کے لیے قریبی پہاڑوں کی طرف گئی تھیں۔
مقامي لوگوں کا کہنا ہے کہ نامعلوم افراد نے انہیں پتھر مار کرتشدد کیا جس کے نتیجے میں وہ شدید زخمی ہو کر موقع پر ہی دم توڑ گئیں۔مقتولہ کے لواحقین کے مطابق وہ ایک شريف اور محنتی خاتون تھیں، جو اپنے گھر کے اخراجات پورے کرنے کے لیے مویشی چرایا کرتی تھیں
اس واقعہ کے خلاف مقتولہ کے لواحقین اور علاقہ مکینوں نے شدید احتجاج کرتے ہوئے قانون نافذ کرنے والے اداروں سے واقعے کی فوری تحقیقات اور ملوث عناصر کی گرفتاری کا مطالبہ کیا ہے۔
ڈی ایس پی ہیڈکوارٹر اصغرعلی شاہ سے جب وزیرستان ٹائمز نے رابطہ کیا تو انہوں نے بتایا کہ واقعے کی رپورٹ درج کر کے تحقیقات کا آغاز کر دیا گیا ہے، تاہم واقعے کی وجوہات اور ملزمان کی شناخت کے حوالے سے تفتیش کا سلسلہ جاری ہے جلد ہی ملزمان کو انصاف کے کٹہرے میں لایا جایا گا۔
