ملک بھر میں حج درخواستوں کی وصولی آج سے شروع

islamic-wallpaper-islam-6370760-1000-700.jpg

ملک بھر میں حج درخواستوں کی وصولی کا عمل آج سے شروع ہوگیا ہے۔

خواہمشند افراد کیلئے حج درخواست فارم آج سے ملک بھر میں 14 مختلف بینکوں کی شاخوں میں دستیاب ہوں گے۔ فارم بھرنے کے بعد 6 مارچ تک جمع کرانے ہوں گے جن کی قرعہ اندازی 8 مارچ کو ہو گی جس میں خوش نصیب افراد کے ناموں کا اعلان کیا جائے گا۔

رواں سال حکومت کی جانب سے سبسڈی کے خاتمے کے بعد حج اخراجات 4 لاکھ 36 ہزار975 روپے ہیں جبکہ قربانی کے لیے عازمین کو علیحدہ سے 19 ہزار 451 روپے ادا کرنا ہوں گے۔

ایک لاکھ 7 ہزار 526 عازمین سرکاری جبکہ 71 ہزار 684 عازمین نجی اسکیم کے تحت فریضہ حج ادا کریں گے۔